Vawiin khan Eye OPD, Civil Hospital Lunglei ah National Fortnight on Eye Donation pualin hun hman a ni

He huna khuallian Dr.SR Ngurchamliana Medical Superintendent Civil Hospital Lunglei chuan thu sawiin kan thih hnu pawh a midangte tan malsawmna kan la nih theihna chu Kan mit kan donate hi a ni a ti a .Ringtu nun nen a inmil hle a ni tiin Mizo tam zawkten mit donate hlutna kan hriat a tul a ni, a ti a. Kan Mit Naute (Cornea) hi kan thih hnuah Midangten damna an lo neih theih nan pe theuh ang u a ti bawk.

Programme hi, Dr.Lalrinthangi SMO, District Programme Manager DBCS Lunglei in a kaihruai a. He ni pual a, lo kal khawmte hnenah lawmthu sawina leh chibai bukna a nei a, he hun pawimawh tak hman anihna chhan sawifiahin Lunglei lamah chuan kan vawikhat hmanna anih thu a sawi nghal bawk. Dr.Laltanpuia Chhangte Eye Surgeon Lunglei Civil Hospital pawhin thu sawiin, Mitdel tam tak 100 a 75 percent hi tihdam theih an nih thu sawiin midangten damna an neih theihna turin kan mit donate kan uar zuar angai a ni a ti a. Mit donate hi thih hnu a donate tur ani a, thil hlauhawm anih loh thu asawi a, tin mit mu lak vek angaih loh thu a sawi a, mit darthlalang chauh lak anih thin thu a sawi bawk.

Eye Donation Forthnight hi India ram pumah kum tin hman thin a ni a. Hei hian a tum ber chu mitthlak (eye transplant) mamawhna sang lutuk phuhru thei tura mit pek pawimawhna mipui te hnena inzirtir a ni. He ni pual hian Lunglei atanga Mit donate kan lo neih tawhte chhungte hnenah certificate hlanna an neih niin cungte chu Pu.C Thangliana Electric Veng leh Jenny Lalengmawii, Venglai te an ni.