4350/2024-2025

Lunglei, 2025 Ramtuk thla ni 19: Vawiin khan Lunglei District Additional Deputy Commissioner Pu James Miahlung leh Society for Action in Community Health (SACH), New Delhi ai awhte chu a hna thawh pindanah inkawmin, Lunglei District chhunga Lungsen RD Block-a HDFC Bank sum hmanga hmasawnna huapzo leh tluantling atana Holistic Rural Development Project (HRDP) kalpui mek dinhmun an thlir ho.

Lunglei District chhunga Lungsen RD Block chu aspirational block a nih angin hmasawnna huapzo leh tluantling a awm theih nana hma lakna kawng khatah, SACH New Delhi chuan HDFC Bank-in Corporate Social Responsibility (CSR) kal tlanga a senso an tum hmangin Lungsen Block chhunga khaw 10-ah thla 36 (kum 3) chhung atan Holistic Rural Development Project (HRDP) kalpui turin ruahmanna siamin, hma an la chho mek a ni.

Lungsen RD Block huam chhunga HRDP hma lakna hi khaw 10 - Lungsen-I, Lungsen-II, Rangte, Chawngte 'L', Lungrang 'S', Rualalung, Upper Lungrang, West Rotlang, Chhumkhum leh Phairuangkai-ah te kalpui niin, he'ng khaw 10-ahte hian street light 15 ṭheuh vuah fel tawh a ni a. Khaw 10-ah hian vawk leh ar vulh tur beneficiary paruk ṭheuh thlan niin, a in sak hna kalpui mek a ni a. Khaw 5-ah sikul pakhat ṭheuh chei ṭhat hna leh khaw 3-ah anganwadi centre (AWC) pakhat ṭheuh chei ṭhat hna kalpui ṭan mek a ni bawk.

Attachment

  • Loading attachment...