No.4931/2020-2021

Vawiin 10th Sept. 2020 khan Lunglei District Agrcilcture Department hnuaia Sub-Mission on Agro Forestry buatsaihin thlai tiak semchhuahna Agriculture Complex, Lungleiah neihani. Pu R. Vanrengpuia, Addl. Deputy Commissioner, Lunglei chuan khuallian niin he hun hi a hmanpui.

He hun Pu Tlangtimawia Zote, District Agiculture Officer kaihhruaiah Pu R. Vanrengpuia chuan kuthnathawktute hmakhua ngaia Agriculture Department in thlai tiak semna hun an buatsaih chu lawmawm a tih thu sawiin kan ram economy chawikang tur leh kawng hrang hranga hmasawnna kan neih theihnan Agriculture sector chu a pawimawh takzet a ni, a ti a. Heng thlai tiak sem chhuah takte hian hlutna leh tangkaina hrang hrang an neih thu sawiin thlai tiak dawngtute chuan tha taka enkawla a tihpuitlin chu an mawhphurhna a nih thu sawiin taihmak chhuaha ti puitling turin a chah a. Lunglei District Agriculture Department hnathawktute thawhrimna leh inpekna chu fakawm a tih thu sawiin an chungah lawmthu a sawi bawk.

Lunglei SDAO (Hqrs.) Pu Ngurrinsanga Sailo pawhin hmalakna report pein Lunglei District chhungah Sawrkar laipui chuan SMAF hmalaknain thlai chin tibuai lova ramngaw tha zawk siam tura hma a lakna a ni a, heng thlai atang hian hlawkna tam tak kuthnathawktuten an neih theihna tura ruahman a nih thu a sawi.

Lunglei District Agriculture Office hnuaiah hian SMAF hmalaknain Nghasih ramah thlai tiak 50,000 leh Chhumkhumah thlai tiak 25,000 enkawl a ni a, heng hmun atangte hian loneitute tan thlai tiak hi sem chhuah a ni. Heng hmunahte hian thlai chi hrang hrang 19 kui tiah niin vawiin khan thlai tiak chi 6 Archangkawm, Khanghu, Japan Zawngtah, Phuihnam leh Tengtere bakah Zawngtah tiakte hi Lunglei Addl. DC Pu R. Vanrengpuia bakah YMA Sub Hqrs. Lunglei President Pu Lalrotluanga ten kuthnathawktute hnenah an sem chhuak a ni.