2138/2023-2024

Lunglei; the 3rd. October, 2023: Nizan dar 7 PM khan Mizo Zaimi Inzawmkhawm Hqrs Lunglei buatsaihin Convention Centre, Lungleiah Hranghlui zaithiam leh an hlaphuah te hmangin (Oldies Night) hun hman a ni. He hun hi Pu C. Lalrinsanga, Minister, Agriculture, Irrigation & Water Resources leh Cooperation Department changtu chuan a hmanpui.

He hun hi Pu P. Lalhmangaihzuala, President, MZI Hqrs Lunglei chuan kaihruaiin Pu C. Lalrinsanga chuan MZI, Hqrs Lunglei kum 43 lai an lo ding ta chu lawmawm a ti thu a sawi a.Hruaitu tha tak tak te kaihhruaina in he pawl hi kalpui niin thangthar te dawmkan kawngah hmasawnna tam tak hmuh tur a awm thu a sawi a. Music lamah Lunglei lam thangthar te hma an sawn a, an chhuanawm hle a ni tiin; zai hmang hian zirtirna te, mi thinlung ngui cho harhna te leh mi tihhlimna bakah nun inthlakdanglamna hawi zawng ten hla phuah a nih thin thu a sawi. Kan thalai te hian mi te zirtir thei, moral siam tha thei leh hmasawn zawngin hla thu rem thei ula,a hlut tur thu a sawi . He hun hmang hian kan society te, kan economy te leh kawng chi hrang hrang min chawi kang theitu ni turin an thinlung leh aw rawl te hmang turin a chah hlawm a ni.

MZI hian programme chi hrang hrang an buatsaih thin a, kumtin mi harsa leh Home hrang hrangah tanpuina an hlan thin a ni.