Vawiin chawhma dar 11 khan Health Department, Lunglei District chuan Breastfeeding Week (1st-8th August, 2016) Launching Programme District level-ah an hmang a. He hawnna inkhawm hi Senior Medical Officer Dr Lalawmpuia Chhangte in a kaihruai a ni.

Resource person Dr C. Lalnunsangi, Paediatrician chuan breastfeeding pawimawhna leh thatna te sawiin, kalkhawmte hnenah naute hnute pek dan dik zirtirna a nei a. Hnute pek that loh avanga nausen hriselna in a tuar dan te leh nu hnute chauh pek avanga naute in an thatpui bik dan te a sawi. National Health Mission District Programme Manager Pu PC Lalhmunsiama pawhin kalkhawm te hnenah NGO leh Community level-a Health Programme chak zawka an kalpui theih dan tur te a sawi a ni.

Breastfeeding hawnna programme ah hian Health Worker, ASHA leh Lunglei khawpui chhung veng hrang hrang a nu nau pawm te an tel a. District level bakah Lunglei District chhunga Health Institution hrang hrang ah pawh hawnna programme hi hman a ni.