No.2105/2021-2022

Aizawl the 3rd, Sept' 2021: Vawiin khan National Bank for Agriculture and Rural Development (NABARD) buatsaihin DC's Conference Hall, Lungleiah Capacity Building Workshop on Rural Infrastructure Development Fund (RIDF) for State Government Officials neih a ni.

He workshop hi Pu Kulothungan A, IAS Deputy Commissioner, Lunglei in kaihruaiin thuhma sawiin Mizoram sawrkar leh NABARD te chuan thawhhona tha tak hnuaiah Mizoram chhungah hmasawnna hna engemaw zat thawh mek a nih thu a sawi a. NABARD kaltlangin Mizoram Sawrkar Department hrang hrang Agriculture, Horticulture, AH & Vety, PWD leh a dang ten thingtlang hmasawnna ruh rel atana sum pek chhuak leh hmanna kawngah hmalak thin a ni, a ti a. RIDF Project te hian thingtlang tan hmasawnna nasa tak a thlen a, thalai te tan hna tam tak a siam bakah buh leh bal tharchhuah ti pungin sum lakluh pawh a pung thin a ni, a ti. NABARD leh Mizoram sorkar hian kum 20 chuang hmalakna an lo nei tawh a, kum 2021 thlenga Mizoram hmung hrang hranga Project 641 atan RIDF sum sanction chu Rs 1596.35 crore anih thu sawiin, Lunglei District hmasawn nan line Department ten RIDF Project te tha tak a kalpui theuh turin a chah bawk.

Pu Evan.T.Munsong, District Development Manager, (NABARD) Lunglei chuan Rural Infrastructure Development Fund guidelines angin project atana sum sanction leh hman dan bakah Line Department hrang hrang te nen a hmalak dan tur sawiho a ngaih thu a sawi a. RIDF hi DPR siam hmanga fund sanction thin a ni a ti. Lunglei District chhungah NABARD kaltlangin Department paruk (6) in project 30 kalpui mek in sum Rs 39.95 Crore ruahman a ni a. Heng te hi School Education Department hnuaiah project sawmhnih pali (24), H&FW Department hnuaiah project pahnih leh Agriculture, AH&Vety, PHED leh PWD (Roads) hnuaiah te project pakhat theuh a ni. Hemi bakah hian project thenkhat - Integrated Veterinary & Animal Husbandry Training Institute, Lungpuizawl, Govt. Hatchery and Broiler Poultry Farm, Lungpuizawl, District Veterinary Hospital, Agri Marketing & Training Infrastructure, N.Mualthuam Water Supply Scheme(Solar Pumping) leh Minor Irrigation Project engemawzat te chu thawh zawh a nih thu a sawi. Mizoram hmun hrang hrangah thlai leh thei dah thatna tur warehouse te siam a ni a, khaw hrang hrangah market shed sak a ni bawk a ti.

RIDF Workshop hi hlawhtling taka neih niin zawhna leh chhanna hun hman a ni. He workshop ah hian Department hrang hrang Agriculture, Horticulture, AH&Vety, PWD, PHE, Irrigation & Water Resources, District Education Office, Fisheries, Sericulture, Commerce & Industries, Chief Medical Office, Soil & Water Conservation leh Lead Bank te an tel a ni.