2108/2023-2024

Lunglei the 2nd, October' 2023: Vawiin khan Lungleiah Faina Hapta hawnna, Cleanliness Week Opening Function Cum Culmination of Swachhata Hi Seva 2023 chu Convention Centre Lungleiah hman a ni. Lunglei Bawrhsap Pi Ramdinliani, IAS chuan khuallian niin a hmanpui.

Cleanliness Week Hawnna hun hi Pu C. Lalhmingmuana, Chief Organiser, Clean Lunglei chuan kaihruaiin Pi Ramdinliani chuan Pathianni 1st, October 2023 khan Swachhata Hi Seva kalpui mekah 'Ek Tareekh Ek Ghanta Ek Saath' hun Lunglei District chhunga Rural Area ah hmun 11 ah hnatlang neih niin Urban Area ah hmun 6 ah hnathlan a ni thu a sawi a. Faina Hapta hi kum 1997 ah hman tan a ni a,hmasawnna tur tam tak kan la neih thu sawiin sorkar department leh hotel hrang hrang te pawhin hma an sawn tawh hle a, hetirual hian lenkhawthawnna velah erawh a hmun lova bawlhlawh leh thil eina nawi paih a la tam a,thalai zawk ten tihtur kan nei tih hre thar ang u a ti. Faina atangin thianghlimnaah kan luh hun a la awm ngei ang tih sawiin thianghlimna atang hian hriselna tam tak thlen a rin thu a sawi bawk. Tuma hmuh lova bawlhlawh paih hi thil zahthlak a ni tih hre ang u tih sawiin bawlhlawh paihna tur mumal sorkar in ruahman a tul thu te sawiin mahni compound a bawlhlawh paih kan duhloh laiin mi rama paih kan hreh leh si lo te hi sim ang u a ti. Kawng siam nana plastic hmang tura NHIDCL leh Lunglei DC kalta in Memorendum of Understanding an ziah angin plastic bottle paihna tur hmun 6 ah dah a ni tiin a hmun a paih uar turin mipui a sawm a ni. Faina Hapta hi kan khawtlang fainan, faina kawnga kan rilru a lo thar nan leh kan lo hrisel zawk nan hmang theuh turin a chah a ni.

He hun ah hian Pu C. Sawihlira, DUDO, UD&PA Department, Lunglei chuan report a pek danin 15th September -2nd October 2023 chhung khan ni 3 chhung vantlang inthiarna tihfai leh Rahsiveng Public Toilet chu rawng hnawih thar niin BHSS, NSS te nen Serkawn Bazar Shed tihfai leh banner tar a nih thu te, tuihawk luankawr tihfai leh Signage tihfaite, SanitationWorker te hriselna endik  bakah Swachhta League hlawhtling taka neih a ni a ti.Lunglei Municipal Council kaihhruaina in fai hnatlang veng/ward tinah YMA leh Local Council te nen tangrual thawh a ni a, kohhran thenkhat  pawh in hun an hman thu a tarlang bawk. ULB atanga Lungleiin lawmman tam tak lak a ni a, Swachh Surveksan rankingah Lunglei hi North East Zone ah pakhatna dinhmun hauh mek tu a ni a ti.

Mikael Lalrammuanawma, District  Coordinator , SBM (Gramin) PHED pawhin report pein PHED lam kaihhruaiin SBM (Gramin) hnuaiah activity hrang hrang 63 neih niin hengah hian thingtlang khaw mi ten zirna in, tuikhur, reservoir leh khawtlang  tihfai na neiin kohhran thalai leh sipai lam an thawkchhuak bawk a ni. Ek Tareekh Ek Ghanta Ek Saath tih hnuaia khaw 11 ah hnatlang neih niin luihnar thenfai leh khawtlang tihfai hna thawh a ni.

Pu Zorinsanga Hmar, Executive Councillor chuan lawmthu a neih bawk a ni.