Tukin khan CURE Clubfoot Mizoram te chuan Lunglei Sobji Bazarah clubfoot (ke-lek) hi a dam thei a ni tiin awareness campaign an buatsaih a ni.

Cure Clubfoot Mizoram Chairperson Pi Zohmingthangi Sailo chuan Cure Clubfoot Mizoram chu kum 2011-a an din thu sawiin, August 2012-ah Mizoram sawrkar nen thawh hona thuthlung an ziak a, Aizawl Civil Hospital-ah Ningani tin Clubfoot Clinic hawn thin a nih thu a sawi a. An pawl din tirh atanga vawiin thlenga ke-lek 50 an enkawl tawh thu a sawi a ni. Cure Clubfoot Mizoram leh Mizoram Sorkar Health Department National Health Mission hnuaia Rashtriya Bal Swasthya Karyakaram (RBSK) te chuan thawh hona thuthlung ziak leh in, an Early Detection Centre-a ke-lek ni a an hriat te chu report in, Cure Clubfoot Mizoram in enkawlna a pek thin thu a sawi a ni. Civil Hospital-a enkawlna hi a thlawn vek a nih thu leh, Aizawl pawn ami te tan Hospital pan tura an kalna senso leh an chhunga an mamawh engemaw chen chu Cure Clubfoot Mizoram hian a phuhruk theih thu a sawi a, Lunglei leh a chhehvel mipuite tan Lunglei District Hospital-a Orthopaedic OPD-ah Clubfoot Clinic a hawng nghal a ni.

Dr. Joseph L. Chawngthu, Orthopedist chuan ke-lek chungchang zirtirna a pe a. Enkawlna rin ngam, pawm tlak leh belhchiandawl hmangin naupang ke-lek tuar, pianphunga rualbanlo, lei rema rap ve theilo, khawsak phunga tlakchhiat phah, zirnaa rualpawl lo tur, hrehawm reng reng khawvel hmang tur te kan veng thei dawn a ni, a ti.

He Clubfoot Awareness Campaign hi Rev. Lalzarliana’n a kaihruai a ni.