No.2601/2021-2022
Aizawl 14th Oct. 2021 : Covid -19 kaihhnawiha khawtlang inkaihhruaina dan inzirtirna Lunglei veng hrang hranga VLTF leh khawtlang hruaitu aiawhte pualin vawiin khan Convention Centre, Lungleiah neih a ni.

He hun hi Lunglei District Immunization Officer Dr.Lalrinthangi SMO, Lunglei in a kaihruai a, Lunglei Chief Medical Officer Dr.L.C Liana Training sawi hawnna neiin Covid-19 hripuiin Lunglei District chhungah kiam lam aiin pun lam a pan zel avangin a dona kawngah nasa zawk leh awmze nei zawka hma lak a tul thu sawiin, VLTF ten theihtawp an lo chhuah tawhna ah lawmthu a sawi a ni.

WHO lam atanga zirtirna petu Dr. Lalhlimpuii, NPSP, Aizawl Unit chuan kal khawmte hnenah Covid-19 dona kawnga hmalakna hrang rang, hri danna lak, hmai tuam that, kut sil fai bakah khawtlanga inrelbawl dan tha a zirtir a, hri danna lak chungchangah la duh lo awm thinte chu kawm chiana an lak duh lohna chhan hriatpuia, hri danna lak pawimawh zia inzirtir thar a pawimawh thu sawiin hri kai in lama inenkawlte sulhnu thenfai dan tha te, hri laka him tura mitin te mawhphurhna leh, tlawmngai pawlte mawhphurhna te a zirtir bakah zirtirna an inpek te chu khawtlang mipuite hriat tura a tul anga puan zar hna thawk turin kal khawmte a fuih bawk a ni.

Vawiina Covid 19 chung chang training-ah hian VLTF leh khawtlang hruaitute chuan an tawn hriat atanga harsatna an neih leh thu rawn hrang hrang an neihte sawi chhuakin bawhzui ngaite bawhzui a tum thu Dr. Lalhlimpuii chuan a sawi a ni.