No.2600/2021-2022
Dated Aizawl, the 14th October, 2021: Vawiin khan Serchhip Sport Stadium ah District Election Office chuan Systematic Voters Education and Electoral Participation(SVEEP) hmalaknain vote nei tharte leh voter naupang zawkte tan Football Match a buatsaih a, District Election Officer, Pu Kumar Abhishek, IAS, chuan khuallian niin a hman pui a,

Inkhelh tan hma hun tawi buatsaihah Pu Kumar Abhishek chuan, ram roreltu thlannaah voters ten kan aiawh thlanga kut kan thlak ngei hi democracy bulthut a ni a, kum tling chin tan chuan kan tihmakmawh mawhphurhna a ni. Vote thlak thei tawh khua leh tuiten Electoral Roll a hming an thun ngei theih nana hmalakte, Roll a chuang tawh khua leh tuiten inthlannaa vote an thlak ngei theih nana hmalakte hi SVEEP thiltum a ni a. Chuvang chuan khua leh tui kum tling tawh Electoral Roll a la inziaklut lote chu tun November, 2021 chhunga inziak lut vek turin ka sawm che u a, in thiante, in unaute, inthenawm khawvengte pawh lo hrilh darha lo ngaipawimawh turin ka ngen che u a ni, ati. Systematic Voters' Education and Electoral Participation(SVEEP)programme kal tlanga Doorstep Enrollment kalpui mek chungchang tarlangin; kum tling thar ten lo hmang tangkai turin a sawm a. Dt. 1.1.2022 a kum 18 tling tur chin te tan Phone Number: 6909702642 ah mahni hming, nu leh pa hming leh address thawn maiin ni hnih chhungin a bialtu BLO ten enrolment neih sak turin an pan nghal zel dawn tih a sawi a ni.

District Election Officer hi Pu Lalhmuansanga Ralte, MCS, Dy.DEO, Pi Lalrinchhani Ralte, MCS, EO leh Pi F.Lalnisai,MCS, SDC Serchhip ten an tawiawm ani.

Vote nei thar (New Voters) leh Vote nei tawh kum naupangte zawk (Young Voter’s) te tan a‘SVEEP Football Match' ah hian Govt. Serchhip College leh Govt. Higher Secondary School a zirlai naupangten Football hmuhnawm tak an khel a, Govt. Serchhip College rawlthar te hi 5-2 in an chak a ni.