2299/2022-2023

Lunglei the 13th October, 2022 - Lunglei District-a zirlai ten Saptawng a bulthum atanga an zir theihna tura hmalakna kumin June thla atanga bultan English Language Forum (ELF) English Programme chu kalpui chhunzawm zel a ni a. He hmalakna atana CSR cheng nuai 12 bultumtu ELF Learning Solutions Pvt Ltd, Chennai mithiamte nimin khan Lunglei an lo thleng a. October ni 19 thleng Lungleiah cham dawnin District chhunga School hrang hrang an tlawh kuial dawn bakah naktukah DEO Conference Hall-ah zirtirtu te tan training an buatsaih dawn a ni.

Vawiin khan Lunglei DC Pu Kulothungan A, ELF Learning Solutions Pvt Ltd hnuaia Project Manager pahnih – Aradhana Srikanth, Ayshwaria Sekhai leh Documentation official Smitha Tumuluru ten school hrang hrang tlawh kualin zirtirtute leh zirlaite an kawm a, he hmalakna chak zawka kalpui dan tur an ngaihtuah ho a ni.

He hmalakna hnuaiah hian Lunglei District chhunga sikul 61 thlan chhuah atanga primary sikul naupang 3000 ten English an zir dawn a ni.

Attachment

  • Loading attachment...