605/2025-2026

Lunglei, 2025 Ṭomir thla ni 14: Vawiin khan Lunglei District Agricultural Marketing Committee (DAMC) chu an Chairman, District Bawrhsap Pi Navneet Mann hovin a hna thawh pindanah an ṭhu khawm a. Thlai thar lei leh hralh chungchanga hma lakna thlir hovin, hmachhawp awmte an sawi ho.

DAMC Member Secretary, Lunglei District Agriculture Officer Pu VL Hmangaihchhunga chuan February ni 20, 2025 aṭanga Lunglei District-a sawhthing lei leh hralh dan report a pe a. A report aṭanga a lan danin, May ni 14, 2025 thlengin Lunglei District chhunga secondary collection centre paruk - Hrangchalkawn, Ṭawipui North-I, Haulawng, Buarpui, Thenhlum leh Phairuangkai SCC te kal tlanga sawhthing hralh quintal 8,432.49-ah sawrkar chuan support price cheng nuai 421 chuang (₹ 4,21,62,450/-) a pe chhuak tawh a. A thawh khatna (1st instalment)-ah quintal 1,788.59 atana support price cheng nuai 89 chuang (₹ 89,42,950/-) leh a thawh hnihnaah quintal 3,878.46 atana support price cheng nuai 193 chuang (₹ 1,93,92,300/-) chu kut hna thawktute account-ah thun fel tawh a ni a. A thawh thumnaa quintal 2,765.44 atana support price cheng nuai 138 chuang (₹ 1,38,27,200/-) pawh tihfel tawh niin, bank-ah dah luh mek a ni.