Vawiin chhun khan Lunglei District Disaster Management Authority bultumin Lunglei DC Conference Hall-ah ni khat awh ‘Training on Department Disaster Management Plan’ neih a ni a. Training hi Lunglei DC Pu Abhijit Vijay Chaudhari, IAS in a hawng.

Pu Abhijit Vijay Chaudhari chuan chhiatrupna thlen thulha nep zawka Office hnathawktuten an tawrh theih nan ruahmanna tha tak siam a tul a ti a. Plan mumal tak siam a nih chuan harsatna tam zawk hmachhawn dan kan thiamin kan pumpelh thei dawn a ni a ti. Mock drill chu neih hautak hle mahse heng hmang hian kan Disaster Management Plan siam tawhsa fello lai te chu min zawn chhuah tir thei dawn a ni a ti bawk.

Pu Daniel Sailo, SDC chuan lokal te chu training hlawk taka chhawr turin a chah a. Lunglei district huamchhunga Zonal Officer-a ruatte chu chhiatrupna thlen chang pawha mipuiten an biakpawh hmasak berah nei thin turin a duh thu sawiin chhiatrupna tuartu hnenah National Disaster Response Fund (NDRF) atangin tanpuina an pek thin thu a sawi bawk.

DM&R District Organizer Pi Chuaupari Pachuau chuan department hrang hrang aiawha lo kal khawm te hnenah chhiatrupna thlen thulha mahni department mi leh sa in bawihsawm dan tur ‘Disaster Management Plan’ siam dan zirtirna a nei a. Hemi bakah hian ‘Office Safety and Incident Response System (IRS) at the District Level’ tih leh Mock Drill neih dan kalphung a sawi nghal a ni.

Training-ah hian sawrkar department 36 aiawhin an kal a ni.