Vawiin khan Pawlrang Community Hall-ah KVK Champhai District buatsaihin Pawlrang khuaa sawhthing chingtu mi 100 hnenah sawhthing chin dan leh sawhthing tam ven dan leh enkawl dan zirtirna neih a ni.

Training kaihruaitu, KVK a Senior Scientist leh Head Pi Lalrinawmi Renthlei chuan sawhthing chu loneitute tan sum tam tham tak hailuhna tha tak a nih rualin sawhthing chingtute hian sawhthing tam hri leh hralhna mumal lo avangin harsatna an tawk thin tih sawiin, mithiamten zirtirna an pek chu loneituten a chi thlan atanga an zawm that chuan sawhthing tam chu hneh theih anih thu a sawi a. 

Scientist (Horticulture), Pi Masawmkimi chuan chipchiar takin sawhthing chin dan leh a enkawl dan sawhthing chingtu kalkhawmte hi zirtirna a pe a. Kalkhawmte hian an hriatthiam loh leh an harsatna te zawtfiahin training hlawk takin an hmang a ni.

Attachment

  • Loading attachment...