4384/2023-2024

Lunglei; the 28^th March,2024: Vawiin chawhma dar 11:00 khan DC Conference Hall-ah Pi Ramdinliani bawrhsap leh District Health Committee chairman nibawk hovin meeting neih a ni.

Vawiin meeting-ah hian Agenda 4:

Adolescence Education Programme(AEP) Training kalpui mek leh kalpui zel dan tur te rel a ni a. Lunglei District chhunga Private School hrang hranga zirtirtu 2( mipa leh hmeichhia) te chu ni 2( 26&27/3/2024) chhung  AEP training an lo pe tawh a. Heng Training la chhim ve loh private school te tan training hi buatsaih leh a ni ang.  State APCC in District APCC member tura a lo ruat, mahse DAPCC member atana a ruat loh te chu DAPCC member atana ruat belh an ni bawk.

Tangkai zawk leh phuisui zawka Mobile Integrated Counseling and Test Centre (MICTC) hman dan tur te rel a ni a. Lunglei khawpui chhunga hmeichhe  inzuar an awm chuan zawnchhuah a, chungho te AIDS laka an him theih nana hmalak dan tur (Targeted interventions on Female Sex Worker) te sawi ho a ni bawk.

Vawiin meeting-ah hian meeting Secretary  leh DACO ( District AIDS Control Officer) ni bawk Dr.K.Lalhmachhuana chuan  (DISHA LUNGLEI CLUSTER) chungchang report peiin, DISHA LUNGLEI CLUSTER hi District ah MSACS hnuai a HIV/AIDS Program hrang hrang te Surveillance leh State AIDS Control Society Programme hrang hrang implement tur leh a tul ang a DAPCC Meeting  conduct a, District Level Monitoring lo ti tur a din a ni a. A hma in DAPCU (District AIDS Prevention and Control Unit) ni thin kha NACP kalpui tan atangin DISHA tih a thlak a ni. HIV/AIDS epidemic darh zel tur chak lehzuala venna kawng a NACO (National AIDS Control Organisation) in a duan thar a ni.

DACO (District AIDS Control Officer) kaihhruaina hnuai a function tur niin, tunah hian DTC (District TB Centre) ah in nghat rih mek a ni.

DACO (District AIDS Control Officer) hnuaiah hian Staff hi pathum (3) awm in, chungte chu:-CPM-Cluster Programme Officer,2) CSO-Clinical Service Officer leh 3) DMDO-Data Management and Documentaition Officer te an ni.

DISHA Lunglei Cluster hi Cluster anihna angin Lunglei, Serchhip leh Hnahthial District te a bial a ni.Kum nga (2018-2023) chhung hian Lunglei District hnuaia mi-37716 thisen test atangin  mi 1151 HIV +ve hmuchhuah an ni.