477/2022-2023
Lunglei the 12th, May' 2022: Vawiin chawhma khan DCs Conference Hall Lungleiah Bawrhsap Pu Kulothungan A. IAS kaihhruaiin District Level of Narco Coordination Centre (NCORD) meeting neih a ni.

Pu Kulothungan A chuan Lunglei District chhungah ruihhlo a hluar hle a, a ti tu tam zawk hi tleirawl leh rawlthar te an nih thu a sawi a, ruihhlo laka kan lo inven theih nan a kaihhnawih State leh Central sorkar hnathawk te thawhhona tha neih a ngaih thu a sawi bawk a. Ruihhlo hian kan khawtlang nun nasa takin a ti chhe mek a hemi sutkian nan kan zavaia tan tlan a pawimawh hle a ni a ti.

Meeting chuan damdawi tawlhruk leh hman chungchang a hmalak dantur hrang hrang damdawi tawlhruk chungchang chanchin in hrilh tawn, ruihtheih chi poppy emaw cannabis (ganja) dan phal loh a ching te thli thlai, Cross-State investigation kaihhnawih hmasawnna enthli thlai, dan phalloh ruihhlo chingtute awmna hmun a NDPS Act leh drug hlauhawm zia chungchang a awareness programme huaihawt, Zirna in school leh college ah anti drug abuse awareness programme siam, dan phalloh ruihhlo chin tamna hmun a alternative development programme siam, ruihhlo chhui chhuak thei khawl leh mamawh ang khawl nei tura rawtna siam bakah District chhunga drug de-addiction leh rehabilatation vil leh enkawl te sawi hona neih a ni.

Excise department in kum 2022 chhungin NDPS case 30 neiin Police department in kum 2021 ah NDPS case 2 leh kum 2022 chhungin NDPS case 1 an neih thu tarlan a ni. Food & Drug Administration in damdawi zawrhna dawr tinah CCTV vuah vek tura tih a nih thu sawi a ni bawk.

Meetingah hian Police, Excise, BSF, Food & Drugs Administration, School Education, Agriculture leh I&PR te an tel a ni.