3466/2023-2024

LUNGLEI; the 24th January,2024: Vawiin chawhma dar 11:00 khan DC office chamber-ah District Level committee on Fire Prevention 2024 ten meeting an nei.Meeting hi DLCFP chairman leh district bawrhsap ni bawk Pi Ramdinliani’n a kaihruai a ni.Vawiin meeting-ah hian nikum chhunga DLCFP hmalakna review nghal a ni.Nikum khan Fire Prevention week 6th -10th Feb,2023 a hman a ni a. Kangmei venna chungchanga thil tih loh tura khapna thupek(Prohibitory Order) chu DC in a chhuah a. DLAO in VC theuh te hnenah Order leh Instruction pawimawh te a chhuah bawk.

Forest Survey of India atanga thu dawn dan in Lunglei district-ah kangmei hmun 212-a chhuak a, chu chuan Ram 44.87 Ha a zau a tuam a ni. Heng atanga hmun 183(418Ha) hi Bawlhhlawh halh leh Lo hal te an ni a, a bak hmun 29(27.29Ha) hi ramngaw kang tak chu a ni. Fire Prevention chunchangah Awareness campaign hmun tam taka neih a ni a, VC/NGOs/School leh colleges/ Churches/Media etc..kaltlangin mipui hnena ngenna te pawh siam niin, Photo Competition te pawh buatsaih a ni. Village Level Fire Prevention Award 2023 sem niin, 1st Prize—Tawipui ‘S’, 2nd prize---hmuntlang leh 3rd Prize-Buarpui khua te hnena hlan an ni. Consolation Prize pawh village 3: Sairep,Rangte, Lungdai ‘S’ te hnena hlan a n ni.

Lunglei district chuan District Level Fire Prevention Award 2023, 1st Prize (?50,000/- + Citation) a dawng.

Kumin 2024-a Fire Prevention hman dan tur rel nghal a ni a. Dt.5/2/2024 khian Convention Centre-ah hman tur a ni a. Khuallian atan HPC Vice Chairman Pu V.Malsawmtluanga,Lunglei North bialtu ruat a ni a, a remchan lo hlauh chuan Lunglei atanga kan MLA tling thar te zing atanga tu emaw ber sawm tura rel a ni. Kawng hrang hranga Fire Prevention Activities neih dan tur rel niin; Village Level Fire Prevention Award 1st-3rd Prize sem leh tum a ni.  Fire prevention chungchanga mipuite zirtirna leh Awareness pe tha ber chanchinbu( News paper) 3 te hnenah 1st to 3rd prize siamsak tura rel nghal a ni.