3467/2023-2024

Dated Saitual the 24th January 2024 : Vawiin khan District Project Office , Samagra Shiksha buatsaihin DISTRICT LEVEL CAREER MELA,Saitual Auditorium ah hman a ni a, Dr Lalngura Tlau,Deputy Commissioner Saitual chu khuallian niin Pu Pukhraj Kamal,IPS,SP Saitual chu Resource person a ni.

He District Level Career Mela - career guidance hi High School leh Higher Secondary school(saitual block-Sawrkar school leh samagra) te tana buatsaih a ni a, School 16 atangin zirlai178 an tel thei a, School tin atang hian zirlai 10 leh zirtirtu 1 theuh an tel thei bawk a ni.

He programme hi Pu K Lalnunfela,DEO,DPC ni bawk chuan kaihruaiin Saitual District level Career mela hmanga lokalte hnenah lawmthu a sawi a, Pu Lalhriatpuia PA,DPO saitual chuan Report tlangpui pe bawk.

Khuallian Dr Lalngura Tlau, Saitual DC chuan Career Guidance program buatsaih a nih chu lawmawm a tih thu leh Samagra Shiksha, Saitual tana DPC te thawhna chu a ropui a ti a, an program hman ang chu Saitual ah la hman ngailoh anih thu leh hlawk taka hmanga, ngaithlatu mai ni lova, a zawmtu ni theuh turin a chah a. Eng pawh ti dawn se mahni inhriatchian phawt a tul thu sawiin hringnunah hun laihawl ah an awm thu leh eng thiamna lam hawi nei nge an nih tih an inhriat chian a tul thu a sawi.

Dr Lalngura Tlau chuan zirlai kalkhawmte chu tuna an duhthlanna hian an hmalam hun tur thui tak a hril thu sawiin, hlawhtling tur chuan mal tlat ngam a tul thu leh hmalam hun atana rilru siamfel turin a chah bawk.

Hei bakah hian Resource person Pu Pukharj Kamal,IPS,SP Saitual chuan zirlai naupang kalkhawmte chu career guidance inzirtirna neihpuiin inkawmhona hlawkthlak tak a hmanpui bawk a ni.