4085/2023-2024

LUNGLEI; the 8th March,2024: Vawiin chawhnu dar 1:00 khan Pu James Miahlung,Addl.DC office chamber-ah District Registering Authority(DRA),Lunglei district ten meeting vawi-4na tur an nei a, meeting hi Pu James miahlunga’n a kaihruai nghal a ni.

Vawiin meeting-ah hian Lunglei District chhunga Clinical Establishment Act-a mawhphurhtu District Co-ordinator, Dr.Elizabeth C.Lalmuanpuii chuan “The Mizoram Clinical Establishments( registration & Regulation) Act & Rules,2014” chungchang leh nihphung DRA member te hrilhhriatna hun a hmang a.Meeting chuan karleh chhung khian Lunglei District chhunga Clinical Establishment te inspection neih turin a rel a. Tahrik ni 22/3/2024 khian DRA chuan Lunglei District chhunga Private-a Clinic nei/hawng te ko khawma, sensitization meeting neihpui turin a rel bawk a ni. Hemi bakah hian permanent/Provisional Registration nei lem lova Clinic hawng Lunglei District chhungah an awm thu meeting-ah sawichhuah a ni a, Chungho laka hmalak dan tur te pawh rel nghal a ni.

Vawiin meeting-ah hian  Lunglei district chhungah  Gov’t hnuaia Clinic- 15 leh Laboratory-15  awm mekin, Private ta Clinic- 32 leh Laboratory- 7 a awm mek thu Dr.Elizabeth C.Lalmuanpuii chuan a tarlang bawk.