1738/2023-2024

Lunglei the 1st September, 2023 : NSS Unit, Lunglei Gov't College leh Foundation For Drug Free Mizoram buatsaihin vawiin chawhnu khan Lunglei Gov't College Auditorium ah " Ruihhlo tello nun duhawm zawk " tih thupui hmangin Drug Awareness Campaign hun hman a ni.

Awareness Campaign inkhawm hi  Pu C.Zairemthanga, Vice Principal Lunglei Gov't College in a kaihruaia, he huna khuallian Lunglei Addl. D.C Pu Donny. Lalruatsanga chuan thu sawiin, ruihhlo lakah hian ṭhalaite kan damtlang em tih kan inzawt tur a ni a, ruihhlo drug kan tih hian mimal chhungkua, khawtlangah hmun a khuar meka kan Zoramah hian nasa takin bu a khuar mek a ni a ti. Ruihhlo in a tihbuai tawh aṭanga dam leh nge kan nih ruihhlo drug lak aṭanga dam kan ni tih kan inngaihtuah a ṭul a, ruihhlo avanga kan ram chhe mek, ruihhlo avanga ṭhalai nun chhe mek karah hian Mizoram hian siamṭhat hna thawk turin ṭhalai ruihhlo laka fihlim a mamawh em em a, Zoramin a mamawhna chhangtu ṭhalai ni turin kan zirlaite inbuatsaih thar ang u a ti.

He huna khualzahawm Pu Laltlanthanga President MJA Lunglei Dist pawhin thu sawiin Ruihhlo hi haw haw a do rem chi a nilo tih Pu Laltlanthanga chuan sawiin, rilru fim tak leh thiamna hmanga do angai tih a sawi a, chuvangin ṭhalai lehkha zir mekte pawhin rilru fim tak pu a, an zir thiamna aṭangin ruihhlo laka fihlim a ṭul zia an hriat a, ruihhlo lak aṭanga fihlim tura rilru buatsaih a ṭul hle a ni tiin kan ram min run mektu drug lak aṭanga fihlim turin rilru siam tlat turin zirlai kalkhawmte chu a chah a ni.

Drug Awareness Campaign hun hmanna ah hian Pu L.H. Rothanga LGC, Principal leh Pu R.Lalrochama NSS, PO, Lunglei Gov't College te pawhin thusawina hun hmangin Dr. Lalremruati Zote, Associate Professor, Gov't Aizawl West College chuan College Zirlaite hnenah damdawi hman sual pawi dan leh mihring nun a tihchhiat dan te, damdawi ruihtheih lak aṭanga fihlim tura fimkhur dan tur kawng hrang hrang Power Point hmangin zirtirna a pe a ni.