1739/2023-2024

1st September, 2023 : Mizo Cultural Organisation (MCO), School Education Department, Mizoram State Sports Council (MSSC) leh Tourism Department, Government of Mizoram tangkawp buatsaih ‘Zirna In Pual Mizo Hnam Lam Intihsiak’ chu vawiin chawhnu dar 3 khan Vanapa Hall-ah a hmawrbawkna hun hman a ni a. Pu Lalchhandama Ralte, School Education Minister chuan khuallian niin a hmanpui a. Pu Robert Romawia Royte, Tourism Minister chu inkhawm thlengtu a ni.

Khuallian Education Minister chuan thusawiin hnam lam intihsiak chu nakum lamah pawh organising committee-in an buatsaih leh dawn phawt chuan school education department pawhin intihsiakna-a uar lehzuala tela tur hian an inpeih reng thu a sawi a. Kan thalaite'n kan hnam lam hrang hrangte kan hnam incheina nena an han lantir thei chu lawmawm tiin uar lehzual turin thalaite chu a chah. New Education Policy-in a phut angin kan ram leh hnam culture chawinung a, tivul zel turin a chah bawk.

Inkhawm thlengtu Tourism Minister chuan zirlai ni chunga hnam lam thiam tak tak te, Zirna in puala intihsiakna-a tel zawng zawngte chungah lawmthu sawiin an hun kal zel tur atan duhsakna a hlan a. Kan hnam, kan culture kan vawnnun zel nana hetiang hnam lam intihsiakna an buatsaih thei chu MOC President anih ang pawhin lawmawm a tih tak zet thu a sawi a. MOC-a a thawhpui zawng zawngte hmalakna leh inpekna-ah lawmthu  sawiin chhunzawm zel tura ngaihtuahna seng turin a chah nghal bawk.

Pu. Lalbiakhlua, General Secretary, MCO Gen. Hqrs. chuan report pein intihsiakna hi hlawm pathum College/University, high school/ higher school leh Middle school-ah then a ni a, zirna in 70 atangin hming an pe lut a, zirna in 56 atangin an inlan thei thung a. College/University zirlaite chu Cheraw (Kantluang) leh Chheihlam hmangin an intihsiak a, HS/HSS zirlaite  Cheraw (Kantluang) leh Sarlamkai hmanga intihsiakin M/S zirlaite chu Cheraw (Kantluang) leh Chawnglaizawn hmangin an intihsiak ve thung a ni a ti bawk.

Mizo hman lam intihsiak Result chu a hnuai a mi ang hian a ni:


College/University -ah
1st - Govt. Aizawl College
2nd- Pachhunga University College
3rd- Govt. T. Romana College
4th- Govt. Hrangbana College.
5th- Govt. Mamit College-te an ni.

High School/HSS-ah
1st- Home Mission Higher Secondary School
2nd- Home Mission High School
3rd- Govt. Mizo High School
4th- St. Paul's Higher Secondary School
5th- Govt. Mamawii Higher Secondary School

Middle School-ah
1st- Govt. Middle School, Reiek
2nd- Govt. Middle School, Chhinga Veng
3rd- Neuhof English Middle School
4th- Govt. Buchhawna Memorial Middle School, Ramhlun Vengthar
5th- Govt. Lalhnam Middle School, Thingsultliah -te an ni.

Hnam Lam intihsiakna endiktute chu Chief Judge Pi Kimi, Pu Mangaia leh Pu John Saikhuma te an ni a. Judge te chu Pu. Zonunsanga, Pu. M.S Dawngliana, Nl. Lalawmzuala, Tv. CJ Zohmingthanga, Nl. B. Lalremtlungi, Rosalynn Lianhmangthangi, Pi. KC Runremsangi, Pi. Lalrindiki, Pu. James Vanlalhriata leh Pi Esther Lalrinhlui- te an ni.

Hlawm then tinah hian pakhatnain Rs 50,000/-, pahnihnain Rs 30,000/- leh pathumna in Rs 20,000/- an dawn bakah Trophy leh Certificate hlan an ni a. Pakhatna theuh participants te chu a thlawnin Thenzawl Golf Course fanpui an ni bawk ang.

Mizo Hnam Lam Intihsiak kharna inkhawm hi Dr. Lalzirmawia Chhangte, Secretary, School Education Department chuan inkhawm kaihruaiin inlawmna thu a sawi a, Pu Lalhmachhuana, State Project Director, Samagra Shiksha chuan lawmthu sawiin programme tihtawp a ni.

Attachment

  • Loading attachment...