Vawiin chawhnu khan Lunglei DC Conference Hall-ah Special Summary Revision of Electoral Rolls, 2020 kalpuina tura ECI in a duan thar programme pawimawh tak Electors Verification Programme (EVP)   chungchang Media-te hnena hrilhhriatna neih niin,  he hun hi Lunglei DC leh District Election Officer ni bawk Pi K. Lalrinzuali chuan a kaihruai a ni. He hunah hian a kaihhnawih sawrkar official te leh Lunglei MJA-te an President Pu H. Lalthansanga hovin an tel a ni.

Lunglei Election Officer Pu Lalnundika chuan Electors Verification Programme  (EVP) chungchang sawifiahin Electoral Roll hrisel, felfai leh dik tak siam theihna tura hmalakna pawimawh tak a ni, a ti a. EVP hi SVEEP hmalakna nen kal kawp tur anih thu sawiin hemi hmang hian khua leh tui vote nei tawh phawt chuan ECI pawmpui document kengin  Electoral Roll-a an chuanna enin, a dik lek dik loh an finfiah thei a ni. EVP hi September ni 1, 2019 atanga kalpui tur niin, September thla chhung a awh dawn a.  EVP hmangin Polling Station  leh Voter-te an chenna thlenga Geo Tag tih tum a nih thu sawiin, Voter-te chu EVP hmang tangkai thei tura Common Service Centre (CSC), National Voters’ Service Portal (NVSP), Voter Helpline Mobile Apps leh ERO office te hmelhriata pan turin a chah a ni. Media mite chu EVP leh Election kaihhnawih thil a tul leh pawimawh angte  mipuite zirtir kawngah leh Electoral Roll felfai leh hrisel siam theihna tura theihtawp chhuah puiah a sawm a ni.

Pu Lalnundika chuan Special Summary Revision of Electoral Rolls chungchang sawiin Election Commission of India (ECI)-in ruahmanna a siam angin Integrated Draft Electoral Roll chu 15/10/2019 (Tuesday) ah tlangzarh tum a ni a. Hming thunluh, paih, vote neihna insawn etc te chu form hrang hrang heng Form 6,7,8,8(A) te hmangin bialtu BLO te hnenah 15/10/2019 (Tuesday) atanga 30/11/2019 (Saturday) thleng hian dilna a thehluh theih dawn a. 01/01/2020 leh 15/01/2020 inkarah Final Electoral Roll tlangzarh a ni dawn a ni. Kum danga lo tih thin tawh angin Lunglei District huam chhunga Booth Level Officer ten an area chhung theuh tlawh chhuakin House to House Field Verification September thla chhung hian an nei dawn a ni. Special Summary Revision of Photo Electoral Rolls ah hian Qualifying date-ah 01.01.2020 hman a ni. 

Attachment

  • Loading attachment...