No.2498/2021-2022

Aizawl the 6th October 2021: October ni 2 leh ni 8, 2021 inkar chhunga India ram puma Faina Hapta hman mekah Lunglei District chhungah pawh faina kawngah hma lak chhoh mek a ni a. Urban Development & Poverty Alleviation (UD&PA) Department hma laknaa Faina Hapta chhunga faina beihpui thlak dan tur ruahman sa angin Lunglei khawpuiah pawh hma lak chhoh mek a ni.

Nimin Faina Hapta ni 3-na kha 'mahni in leh a chhehvel tihfai ni' atana ruahman a nih angin UD&PA Department, Lunglei District bul tumin Lunglei khawpui chhungah Village Council-te kaihhruaiin veng hrang hrangah veng mipuite'n mahni in leh a vel ti faiin hun an hmang a ni.

Vawiin Faina Hapta ni 4-na hi khaw chhung leh veng chhung tih fai hnatlang thawh nan ruahman a ni a. No Tolerance Day atan hman nghal tur niina hmunlo a bawlhhlawh paihtute ngaihhnathiamloh Ni (No Tolerance Day for Waste Disposal)’ hman niin Khawlaia bawlhhlawh paih leh bawlhhlawh paihna hmun ni lova paih te bakah chil thlakte chu he mi ni hian Solid Waste Management Bye-laws tlawhchhanin pawisa chawi tir an ni.

Inspection hi Lunglei SDO (S) Pi C.Lalduhzuali leh DUDO Pi Vanthangpuii ten kaihruaiin Tlabung Peng bazar, Venglai leh Sobji Bazar ah te inspection hi neih a ni.

Solid Waste Management Bye Law 2018 hnuaia Lunglei khawpui chhunga No Tolerance Day-a hremna lekkawh turte chu:

1. Vantlang hmuna bawlhhlawh paih: Rs 200
2. Vantlang hmuna chil chhak: Rs 200
3. Vantlang hmuna inbual: Rs 200
4. Khawlaia zunram thiarr : Rs. 300/-
5. Vantlang hmuna inthiar: Rs. 500
6. Mahni In leh a vel vawngfai lo te: Rs. 200