Assembly Constituency pasarih awmna Lunglei District Final Electoral Roll 2020 chu Election Commission of India ruahmanna angin vawiin khan Lunglei District Election Officer leh DC ni bawk Pu V. Lalsangliana, IAS chuan DC Conference Hall-ah a tlangzarh. Vawiin Final Electoral Roll tlangzarhna programme-ah hian election lam kaihhnawih sawrkar official te bakah Political Party hrang hrang aiawhte, MJA hruaitute leh tlawmngai pawl aiawhte an tel tha hle.

Pu V. Lalsangliana chuan Lunglei District Final Electoral Roll 2020 a hun taka peih fel tura nasa taka thawk tu DC Election Branch, ERO, AERO, BLO te thahnemngaihna leh thawhrimna chu fakawm a tih thu a sawi. Lunglei District-in Electoral Roll  dik leh felfai tak a neih theih nan thahnemngai taka hma la chhunzawm zel tura kalkhawmte chahin Lunglei District Final Electoral Roll 2020 chu a tlangzarh a ni. He Final Roll bu thar hi Pu V. Lalsangliana hian political Party aiawhte hnenah hian a hlan nghal a ni.

Final Electoral Roll in a tarlan dan in Lunglei District-ah voter 1,08, 735 (mipa – 54044, hmeichhia - 54691) an awm a, Assembly Constituency hrang hrang dinhmun chu hetiang hi a ni:

Election Commission of India ruahman angin siam that ngai awm apiang siam that theihna hun (continuous updation) neih zui leh tur a ni a. Siam that ngai emaw thun belh ngai neite tan mahni awmna BLO kaltlanga ngaihven zui theih a ni ang. Lunglei District ah Service Voter 606 an awm a ni.