3045/2022-2023
Lunglei the 14th December, 2022 – Vawiin khan Lunglei Additional Dc Pu Donny Lalruatsanga kaihhruaiin DC Conference Hall-ah Good Governance Week, 2022 hman dan tur rel a ni.

Meeting-ah hian Lunglei District Head of Office-te, MJA, YMA hruaitute leh BSF leh Assam Rifles hotute an tel a ni.

Meeting kaihruaitu Pu Donny Lalruatsanga chuan sawrkar laipui in ruahmanna a siam angin Lunglei District ah pawh ram chhung District dang te rualin Good Governance Week chu December ni 19 – December ni 25 chhungin hman anih tur thu a sawi a. Kumin Good Governance Week ah hian khua leh tui te harsatna sutkian sak (grievance redressal) leh mipuite tana awlsam zawka service pek chhuah (public service delivery) ngaih pawimawh anih thu kalkhawmte a hrilh bawk. Lunglei District Head of Office-te chu anmahni zawn theuhah mipuite tana thahnemngai taka hna thawk tur leh an office theuhah Good Governance kengkawh turin a chah bawk a ni.

Meeting chuan Good Governance chungchang zirhona ‘Workshop on Good Governance’ chu December ni 23-ah Lunglei DC Conference Hall-ah neih ni se tih a rel a. He hunah hian H&FW Department, School Education leh Public Works Department ten an Department theuh hmalakna presentation an nei dawn a. Hemi bakah hian Department thenkhat – DRDO, NYK, P&E, DTO, Election, UD&PA etc ten an hmalakna hrang hrang short film buatsaih an pho lang dawn a ni.