No.919/2021-2022

Lunglei the 11^th June 2021 - Mizoram hmun dangte rualin vawiin khan Lunglei-ah pawh “Tuihna leh boruak tha siam nan thing I phun ang u” tih thupui hmangin District Level Green Mizoram Committee buatsaihin ‘Green Mizoram Day 2021’ hman a ni a, he Ni puala inkhawm HATIM Campus, Kawmzawla neihah Lunglei HPC Vice  Chairman Pu Lawmawma Tochhawng chu khuallian a ni. He hunah hian a kaihhnawih sawrkar department-te, NGO, khawtlang hruaitute leh media mite an tel a ni.

Green Mizoram Day 2021 hawnna inkhawm Lunglei DC & Chairman District Green Mizoram Committee Pu Kulothungan A kaihhruaiah Pu Lawmawma Tochhawng chuan khawvel changkang chho zelah leilung hausakna, thing leh mau te kan ti chereu nasa hle a, chuvangin ram kan tih chhiat leh hemi avanga boruak, sik leh sa danglam nasa lutuk veng leh siamtha leh turin theihtawp a tan kan lak a tul a ni, a ti. Kumina Mizoram hmun hrang hranga ram kangmei nasa tak chhuak chu pawi a tih thu sawiin HPC Vice Chairman chuan ram leh nungcha humhalh kawngah mitinte kan thangharha, mahni mawhphurna theuha kan lak a hun takzet a ni tiin ramngaw leh nungcha humhalh pawimawh zia a hre tu mai nilo a, nun puitu nih theuh tum turin kalkhawmte a sawm a. Thing phun mai piah lamah a enkawl chhoh leh humhalh kawngah pawh theihtawp chhuah theuh turin a sawm bawk.

Green Mizoram Day 2021 hawnna inkhawmah hian Lunglei DFO & Member Secretary District Green Mizoram Committee Pi Lalrammawii Sailo chuan report pe in, Pu Vuansanga Vanchhawng, Principal, HATIM in thusawina hun a hmang a. Pu Ngentluanga, SE PHE chuan lawmthu sawina hun a hmang bawk.

Vawiin Green Mizoram Day 2021 puala inkhawmah hian Lunglei District huamchhunga kangmei laka invenna (Fire Prevention) lama khaw ti thate hnenah HPC Vice Chairman chuan lawmman a hlan nghal a. Chungte chu :

1^st  Zobawk  S - Rs.50,000/- + Citation ;

2^nd  Changpui - Rs.30,000/- + Citation ;

3^rd  Lungdai S - Rs.20,000/- + Citation

Green Mizoram Day 2021 pual hian thingphun tu agency (Planting Agency) te chu category hnih – Sawrkar Department leh NGO & others hnuaiah then niin a ti tha pathum thlanchhuah te lawmman hlan an ni bawk:

PLANTING AGENCY TI THA - SAWRKAR DEPARTMENT

1^st – Excise & Narcotics – Rs. 3000/- + Citation

2^nd – DRDA Lunglei – Rs. 2500/- + Citation

3^rd - Sainik Welfare Department – Rs. 2000/- + Citation

PLANTING AGENCY TI THA – NGO & OTHERS

1^st – District PYD NE India – Rs. 3000/- + Citation

2^nd – NSS Baptist Higher Secondary School – Rs. 2500/- + Citation

3^rd-  NSS Govt J Buana College – Rs. 2000/- + Citation 

‘Green Mizoram Day 2021’hawnna inkhawm neih zawh hnu hian HATIM Campus, Kawmzawl, Pukpuiah Ceremonial Tree Planting neih niin khuallian leh District Green Mizoram Committee member ten Mizoram State Tree Herhse (Mesua ferrea) an phun a ni.

‘Green Mizoram Day 2021’ puala thing phun duh planting agency te tan June ni 9 atanga June ni 16 thleng Hi Tech Nursery, Pukpuiah thing tiak phun tur a lak theih a ni.

‘Green Mizoram Day 2021’ pual hian Tlabung Forest Division pawhin Serhuan, Tlabung ah Pu Lalsanglura, SDO Civil Tlabung hovin hun an hmang a ni.