Nimin tlai dar 4:00 khan Lunglei DC Pu Abhijit Vijay Chaudhari, IAS kaihhruaiin a pisaah Lunglei District Committee on Intensified Diarrhoea Control Fortnight an thukhawm.

Meeting-ah hian kum 2015-a chawlhkar hnih awh Intensified Diarrhoea Control Fortnight (IDCF) hman dan thlirletna neih a ni a. Dr. Johnny Lalmuanpuia Tlau, DRCHO chuan July ni 27 leh August ni 8, 2015 chhung khan IDCF 2015 chu hman a nih thu a tarlang a. Naupang 13127 hnenah ORS sem niin naupang 148-te chu kawthalo (diarrhoea) nei tih hmuh chhuah an nih bakah ORS leh Zinc tablet nen enkawl nghal an ni thu a tarlang. A mamawh te pan atan ORS-Zinc Corner hmun hrang hrang 82-ahsiamniin school 57-ah kut silfai pawimawhzia inzirtirna neih a ni. IDCF hman a nih chhung hian ASHA-ten chhungkaw 10218 tlawhchhuakin, naupang 12529 IDCF atan thliar hran an nih thu a sawi.

Committee chuan kumin IDCF chu Lungleiah July ni 11 leh July ni 23 chhunga hman a rem ti a. IDCF 2016 kalpui tura Micro Plan buatsaih sa chu a pawmpui nghal. Fortnight hman ruala enfiahturinMonitoring Team member-te a ruat fel nghal bawk.

Intensified Diarrhoea Control Fortnight hi kum 2014 atang khan hman tan a lo ni tawh a, kumtinin vawikhat chawlhkar hnih awh hman thin a ni. A tum ber chu naupang kum nga hnuailam hnena kut silfai pawimawhzia inzirtir leh kawthatloh chang pawha ORS-Zinc tablet hmanga in enkawl dan a ni.