760/2023-2024

Lunglei the 10^th June, 2023 - District Jail leh inkhunghranna Home hrang hranga awmte'n hriselna tha an neih theih nan leh, hri inkaichhawn theihte laka inven nana heng hmuna awmte dinhmun enfiah kawnga beihpui thlakna, 'Integrated STI, HIV, TB and Hepatitis (ISHTH) Campaign' Lunglei District chhunga kalpui tur chu nimin khan Lunglei Additional DC Pu Liansangzuala Chhakchhuak in Lunglei DC Conference Hall-ah a hawng.

Lunglei Additional DC Pu Liansangzuala Chhakchhuak chuan District Jail leh inkhunghranna Home hrang hranga awmte chu hri inkaichhawn theihte lakah an vulnerable bik avangin ISHTH Campaign hi a pawimawh takzet a ni tiin, he Camapign a thawktute chu taima leh fimkhur taka thawk turin a chah a ni. 

Ruahman dan chuan Lunglei khawpui chhunga District Jail bakah Home hrang hrang leh inenkawlna hmun thlan chhuah 8 ah te ISHTH Campaign hi kalpui tum a ni a, hriselna kawnga thiam bikna nei ten hriselnate endikin test tul angte leh counselling-te pawh an nei dawn a. Damdawi hmanga enkawl tul angte pawh buaipui tum niin, inzirtirna hunte hman zel tum a ni bawk. ISHTH Campaign hi thla khat chhung kalpui phawt tur a ni.

Dr K. Lalhmachhuana, District AIDS Control Officer chuan report a pe a ni.