533/2023-2024

Lunglei the 22nd May, 2023 - Vawiin khan International Day for Biological Diversity pualin Lungleiah hun hman a ni. He hun hi Baptist Higher Secondary School-ah hman a ni a, Lunglei DFO Pu PC Lalchhandama'n Power point presentation hmangin zirlaite hnenah nungcha tin rengte pawimawhna leh inlaichinnate a sawifiah. Lunglei DFO chuan ramngaw leh nungcha hrang hrangte chu Pathianin kan chenpui tur leh kan tana tangkai tura a siam an nih thute, thil nung chi hrang hrangte chu hna chi hrang hrang thawk tura duan an nih avangin engemaw an tam tlurha, engemaw an tlem leh si chuan an inbuktawk loh avanga chhiatna nasa tak a thlen theih thute leh tun maia an tangkaina kan hriat lohte pawh hi hna pawimawh tak min thawhsaktu an lo nih reng theih thu sawiin kan tana ngawi renga min thawhsaktu ramngaw leh a chhunga cheng nungchate kan duata, kan humhalh zel hi kan damkhwchhuan nan tihmakmawh a nih thu a sawi.

He hun hi Pu R Zosangliana, Principal, Baptist HSS  chuan a kaihruai a, Pu Vanlalzarzoliana, Lunglei Forest Range RO-in  lawmthu a sawi bawk. Zirlai leh zirtirtu 150 vel an tel a ni.