2483/2024-2025

2024 Khuangchawi thla ni 11: Vawiin October ni 11, 2024 khan District Hub for Empowerment of Women (DHEW), District Programme Officer (DPO) Office, Women & Child Development (WCD) Department huaihawtin DC Conference Hall, Lungleiah International Day of the Girl Child, 2024 kharna leh Jingles Competition lawmman semna hun hman a ni.
He hun hmanpuitu Lunglei Additional Deputy Commissioner Pu James Miahlung chuan hmeichhe naupang venhim leh chawi kan pawimawhna te sawiin, hmeichhe naupangte chu khawtlang hmasawnna atana dinhmun pawimawh tak chelhtu an nih thu a sawi a. Intihsiakna lawmman latute pawh theih tawpa an zirlai zir tura chahin, hmasawn zel turin duhsakna a hlan a ni.
He hun hi Lunglei DPO (WCD) Pu C. Lalnunfela chuan kaihruaiin, International Day of the Girl Child, 2024 hman a nih chhan te leh hemi denchhena activity hrang hrang an neih dante a sawi a. Lunglei Additional Deputy Commissioner Pu James Miahlung chuan  Jingles Competition-a ti ṭhate hnenah lawmman a hlan a ni.

Lawmman dawngtute chu:
1-na: K. Lalnunpuii, Class-IX, Serkawn Sikulpui (₹ 5,500/-)
2-na: Government Leitlangpui High School (₹ 3,500/-)
3-na: B. Lalremruati, Class-IX, Government Venglai High School (₹ 2,500/-)

Consolation prize:
(1) Vanlalhriati, Class-IX, Govt Venglai High School
(2) Ruthi Lalzarmawii, Class-VIII, Holy Faith English School

Competition-a telte hi participation prize pek vek an ni bawk.

Attachment

  • Loading attachment...