3079/2024-2025

2024 Sahmulphah thla ni 19: Vawiin khan Lunglei Municipal Council (LMC) huam chhunga bial (ward) hrang hrangte faina kawnga inelna buatsaih mek, LMC Award, 2024  atana endik thawh hnihna chu LMC Secretary Pu Lalrinawma hovin kalpui a ni.

Ward fai endiknaah hian  Lunglei Sub-Headquarters YMA leh Sub-Headquarters MHIP hruaitute an tel a. Ward hrang hrang hnuaia veng hrang hrang - Pukpui, Zotlang, Serkawn, Zohnuai, Bazarveng, Venglai, College Veng, Venghlun, Rahsiveng leh Sazaikawn te an endik a ni.

LMC Award 2024 atana fai intihsiakna hi July ni 1, 2024 aṭang khan kalpui ṭan niin, kum tluana inelna tur a ni a. Hemi pual hian LMC huam chhunga ward tin hnuaia veng hrang hrangte chuan veng chhung faina kawngah hma an la chho mek a. Faina kawnga hma lakna tehfung hrang hrang hmangin veng fai endikna hi kalpui tur niin, January 2025-ah result puan a, lawmman sem theih beisei a ni.

Ward fai inelna, LMC Award 2024-ah hian ward fai berin ₹ 3,00,000 leh trophy, pahnihnain ₹ 2,00,000 leh trophy, pathumnain ₹ 1,00,000 leh trophy an dawng ang a. Ward pakhat hnenah consolation prize ₹ 30,000 leh citation hlan a ni bawk ang.

Attachment

  • Loading attachment...