2345/2023-2024

LUNGLEI; the 17^th October,2023: Vawiin khan Mizoram Board of School Education chuan of School Education Complex Conference Hall, Lunglei-ah Online Application Software and Integrated Digital Payment System tih thupui hmangin ni nga(5) awh tur training a buatsaih. He training-ah hian high school leh higher secondary school zirtirtute district pali-Lunglei, Siaha, Lawngtlai, leh Hnahthial atangin an tel a ni.

Training hi MBSE Regional Officer, Pu Rangkhuma'n a kaihruai a, zirtirtu lokal khawm te fuihna thu chah a sawi bakah, he training buatsaih a nih chhan te a sawi a ni. He training-ah hian Pu F.R icky Lalremruatpuia Academic Officer, chu Resource Person niin kalkhawm te a zirtir a ni.

Training-ah hian MBSE online portal thara online registration tih dan te online a exam form fil-up dan te, affiliation dil leh fee pek dan bakah thil thar MBSE portal-a awm te zir ho a ni a. Heng bakah hian MBSE-in a hman mek Integrated Evaluation Scheme (IES) chungchang te zir ho leh niin, online portal hmanga internal mark submit dan te inzirtir a ni.

Training hi Mizoram puma High School Leaving Certificate leh Higher Secondary School Leaving Certificate Exam Centre leh an Feeder School pakhat theuh te tan buatsaih a ni dawn a Aizawl district a training buatsaih zawh tawh niin, Lunglei -ah training hi neih chhunzawm mek a ni.