2251/2026-2027

Lunglei, 2026 Mimkut Thla ni 17: Social Welfare, Women & Child Development Department leh Toyota Kirloskar Motor Pvt. Ltd te ṭang kawp hma laknain vawiin khan Lunglei Zotlanga DPO Conference Hall-ah vohbik zinga mitdelte leh khaw hmu fiah thei lote awlsam zawka an veivah theih nana puitu tur hmanrua, safe mobility device chu mi 56 hnenah sem a ni.

Safe mobility device semna hun hi Lunglei District Social Welfare Officer Pu C L Joseph chuan hmanpuiin, khaw hmu lo leh khaw hmuh fiah lote veivahnaa puitu hmanrua chu Social Welfare, Women & Child Development Department Minister Pi Lalrinpuii hma lakna avanga dawn leh sem theih a nih thu a sawi a. Hmanraw dawngtute chu a lawmpui thu sawiin, awlsam zawk leh him zawka an veivah theih phah a beisei thu a sawi a. Hmanraw hman dan a zirtir nghal bawk.

Safe mobility device hmanraw leina senso hi Toyota Kirloskar Motor Pvt. Ltd aṭangin Corporate Social Responsibility (CSR) hnuaia ruahman a ni.