No.3585/2021-2022

Aizawl the 7th January, 2022 : Vawiin chhun dar 12:00 khan Lunglei Press Club-ah Mizoram Journalist Association ( MJA) Golden Jubilee khuhhawnna hun hman a ni.

Golden Jubilee khuhhawnna inkhawm hi Pu Laltlanthanga Vice President MJA Lunglei Dist in a kaihruaia, Golden Jubilee hriatrengna Monument Pu H.Lalthansanga President MJA Lungleiin a hawng a, Jubilee Mei Pu Lalrintluanga Khiangte Vice President MJA Lungleiin a det bawk.

He hunah hian MJA Lunglei District President Pu H Lalthansanga chuan thu sawiin, vawiina MJA in kum 50 a lo tling thei hi hruaitu hmasa te vang leh an thawhrah a ni tiin, MJA ah chanchinbumi te kan awmkhawm a, a chhiat a thatah kan zavaiin mawh kan phur a ni tih i hre thar ang u a ti. Kan hruaitu hmasa te inpekna leh thawhrimna hre rengin tuna MJA member te hian hmasawn zel turin theihtawp kan chhuah angai Pu H.Lalthansanga chuan tiin MJA a kan awm hian mahni hamthatna atana awm kan nilo a, Sawrkar leh mipuite tana thawk kan ni tih kan hriat reng angai ani tiin MJA member-te fuihin, MJA motto "Mipui tana rawngbawl (Service to the People)" chu an hmalakna apiangah dah pawimawh hmasa thin turin a chah a ni.

Golden Jubilee khuhhawnna inkhawm ah hian Lunglei DIPRO Pi C. Lalremruati, Pu F.Zosangliana MJA Hnahthial Sub Division President te pawhin thusawina hun hmangin MJA member thar pakhat lakluhna hun hman a ni bawk. Vawiina MJA Golden Jubilee puala hun hmanna ah hian kumin January ni 14 a Lunglei Dist atanga indang thar tur MJA Hnahthial Sub Division thlahna hun hman nghal a ni.