3535/2024-2025

2024 Pawltlak thla ni 14: National Legal Services Authority-in ram puma National Lok Adalat buatsaih tura a tih angin vawiin khan Lunglei District Legal Services Authority chuan District Court Building Lungleiah National Lok Adalat a buatsaih a. Bench pahnihah thubuai 73 ngaihtuah niin, 33 chin fel a ni.

Vawiina National Lok Adalat buatsaihah hian bank case pali lutte chin fel vek niin, ₹ 8,66,182/- hmuh let a ni a. Civil case 69 ngaihtuahah 29 chin fel niin, ₹ 35,85,545/- hmuh let a ni a. A vaia sum chin fel hi ₹ 44,51,727/- hu a ni.

Lok Adalat-ah hian thubuai neitute duh dan angin inremna ziahpui ṭhin a ni a. Sum sen ngai lovin thubuai hi chin felsak ṭhin a ni.