4037/2023-2024

LUNGLEI; the 2^nd March,2024: Vawiin chawhma dar 11:00 khan Lunglei Science Centre, Zohnuai,Auditorium-ah National Science Day, 2024 lawmna hun hman a ni a, he hun hi Lunglei Science Centre (LSC) leh Mizoram Science Technology and Innovation Council (MISTIC) te tangkawpin a buatsaih a ni. Lunglei Government College, Department of Chemistry zirlai naupangte bakah Jawahar Navodaya Vidyalaya School, Pukpui naupangte nen hman a ni.

National Science Day hi kumtinin, February Ni 28 hian India ram pumpuiah Dr. CV. Raman-an Raman Effect a hmuhchhuahna ni denchhen a hman thin a ni a.Kumin hian ‘Indigenous Technology for Vikshit Bharat’ tih thupui a hmangin India ram pumpuiah hmalak mek a ni a, chutih rual chuan sub-theme hrang hrang nei a hun hmangin, India ramnpui puia hmalak mek a ni bawk a ni. He hunah hian hi India ram pumpuiah, Zirlai naupangte leh mipui nawlpuite zingah he hun hi zau zawka puandarh a nih theih nan, 26th February, 2024 atang khan hman tan a ni a. Mizoramah chuan a lawmna pui ber hi 28th February, 2024 khan, Innovation facility Centre,MINECO, Aizawlah a lawman pui ber hi neih a ni a. District hrang hrangah thupui then hrang hrang hmangin programme hman chhoh mek a ni; 3rd March, 2024 thleng hian India ram hmun hrang hrangah a lawmna hun hi buatsaih tum a ni.

Lunglei Science Centre-ah chuan ‘Science with fun’ tih thupui hmangin vawiin programme hi hman a ni a. He hun hi Pu Lalrammawia, Curator, Lunglei Science Centre chuan kaihruaiin in, lo kal khawmte lawmna thu sawiin (welcome speech) hun hlimawm tak hmang turin duhsakna a hlan a.Dr.Joseph Lianbuanga, Assistant Professor, Department of Chemistry, Lunglei Government College chu Resource Person niin, Science zir hi thil nuam leh hlimawm tak a nih thu a sawi a. Thangthar zawk te pawhin Science zirna hi kan uar chhoh deuh deuh a tul thusawiin; khawvel hnam changkang leh ram changkang kan tih te hi Science & Technology a ram hmasawnte vek an nih thu te a sawi a.

Pu K. Lalthantluanga, Education Assistant, Lunglei Science Centre chuan lawmthu sawina hun hmangin, hun chep tak kara School, Media lama thawkte leh Resource Person an sawmten hun an lo hmanpui theih avangin lawmthu a sawi a, Science & Technology chawi lara a alo awm zel theih nana hma lakpui zel tura sawmna nei chungin hun kharna a nei a ni.