2164/2022-2023
Lunglei the 3rd October 2022 : Vawiin chawhnu dar 2:30 khan Govt. Lunglei High School-ah National Wildlife Week Vawi 68-na pualin hun hman a ni.

He hunah hian Pu Vanlalzarzoliana, Range Officer, Lunglei Forest Range chuan zirlaite hmaah thu sawiin sik leh sa lo danglam chho zel chu mihring ten kan tuar mek zel a, heng ti ziaawm tur hian mitinin ramngaw leh a chhunga chengte kan humhalh a ngaih thu powerpoint presentation hmangin a sawi.

Tunlaiin YouTube channel-ah ramsa veh /tihlum lai tihlan chingte an awm thin thu sawiin dan kalh a nih avangin zirlaite chu inhnamhnawih ve lo turin a chah a. Hetianga inhnamhnawihte hi chhui mek zel an ni a, thenkhat chu chhui chhuah a, an phu tawk hremna pawh pek tawh an ni a ti.

He hun ah hian zirlai leh zirtirtu 100 vel an tel a ni