Nimin khan DC's Conference Hall, Lunglei ah Pu Benjamin Lalzama, Additional DC Lunglei kaihhruaiin NLUP - NEDP Convergence Scheme Phase II 2018 - 2019 sem dan tur leh training pek dan tur Line department te nen sawihona neih a ni.

NLUP Implementing Board (NIB) duh dan angin Lunglei District Constituency 7 (pasarih) chhunga beneficiary 2799 te chu anmahni Trade thlan theuhah Line Department ten training pe se tih meeting chuan a rel a. Training-a tel te chu Certificate hlan an nih dawn bakah 1st Installment lak phalna pek an ni ang. Training a kal lo te hnenah tanpuina pek an ni dawn lova 2nd Installment pawh an dawng thei lovang. Training a tel tur te hi an nihna tichiang turin Voter's ID emaw Adhaar Card emaw an keng ngei tur a ni, tih committee chuan a rel a. Hemi bakah hian  khaw tin VC/Village Level NLUP Committee te aiawh pakhat tal an tel bawk dawn a ni.

Line department ten a hma thei ang bera Training buatsaih turin committee chuan a rel bawk.