Vawiin chawhnu dar 1:00 khan Lunglei SP Conference Hall-ah Superintendent of Police, Lunglei leh District Child Protection Unit (DCPU), Lunglei tangkawp ten ‘One Day Training on Operation Muskaan-II’ an buatsaih a. DCPO Pi Lalrinkimi Hmar leh Legal cum Probation Officer Pi S. Lalrotluangi ten naupang humhalh kawnga Dan chi hrang hrang – POSCO Act, Juvenile Justice Act, Protection of Child Right Act leh Dan dangte zirtirna an nei a ni.

He training ah hian Lunglei Police-a Officer zawng zawng leh DCPU staff-te bakah Child Welfare Committee (CWC) member-te an tel a. Operation Muskaan-II in a tum ber chu naupang enkawltu neilo te zawnchhuah a, chhanchhuah leh an awmna tur tha zawk te zawn sak ni in, Shelter Home hrang hrang te tlawhchhuah vek bakah naupangte dinhmun zirchian a ni.