780/2022-2023
Lunglei 4th June 2022 : Tukin zing khan Lunglei Luangmuala Plastic Waste Management Centre, RWD Lunglei PHED hnuaia bun chu Er. C. Chawnghnuna, CE, PHED chuan a hawng.

Hawnna inkhawm tawi Plastic Waste Management Centre tuala neih chu Er. Ngentluanga, SE, PHED in a kaihruai a, Er C. Chawnghnuna chuan thu sawiin Plastic hman hnute khawlaiah, ramhnuaiah leh lui bakah tufinriatah tling khawmin kan khawvel tan thil tha lo tak a ni a, Plastic hnawmhnawk te chu hman tangkai a nih leh theihna tura hmalakna thar lo awm chu lawmawm a tih thu sawiin, UD&PA te nen tangkawpin hmalak a nih dawn thu leh Lunglei chu Plastic bawlhhlawh awm lohna khua a nih thuai a beisei thu a sawi a. SBM hnuaiah mimal tin ten inthiarna mumal, faina kawnga hlawhtling an nih hnuah Plastic bawlhhlawh a awm loh nan hmalak a ni a, chak taka hma lak a ni tawh dawn a ni a ti bawk.

Er. Laltlanchhunga, Sr. EE, PHED Lunglei pawhin Plastic Waste Management Centre chung chang sawi fiahin Single Use Plastic lam leh Plastic chhe tawhte sawngbawlna tur a tâna tih a nih thu a sawi a, Khawlaia UD&PA ten bawlhhlawh bawm an dahah mipui ten bawlhhlawh paih hram hram tura ngenin Plastic sawngbawlna hmuna nem muk sa chu khaw chhunga lungrem leh chhuat phah atan te hman tangkai leh tum a nih thu leh Plastic chhia tam lutuk pawh a zia awm phah ngei a beisei thu a sawi bawk a ni.

Vawiina hawn tak Plastic Sawngbawlna te hi khawl pahnih niin khawl Pakhat zawk chu Plastic hrawm hraw tak takte hersawmna a ni a, pakhat zawk chu Plastic sakhata siamna, a nem muktu a ni thung a, heng Plastic sakhatte hi Plastic vek hmanga hmanraw tangkai zawk siam nan hman leh tur a ni.