779/2022-2023
Aizawl, 4th June, 2022 : District Level SEDP Committee Aizawl district buatsaihin nimin khan Family Oriented SEDP chungchang-ah Orientation cum Sensitization Training Tlangnuam leh Aibawk RD Block huam chhunga khua 32 te tan Chanmari YMA Hall ah neih a ni a. He training-ah hian Village Level SEDP Committee Member chin an tel a. Aizawl District huam chhunga Family Oriented SEDP hlawhtling taka kalpui a nih theihnan inzirtirna hi kalpui zawh thawkhat a ni.

Training hi Pi Ethel Rothangpuii, Member Secretary, District Level SEDP Committee & Project Director, DRDA Aizawl-in a kaihruai a. Pu R. Vanrengpuia, Addl. DC, Aizawl-in keynote address sawiin SEDP hi sawrkar flagship programme a nih angin mi rethei leh harsaten lei rem an rah ve ngei theihnan theihtawp chhuah turin Village Level SEDP Committee Member te a chah a. He programme tha tak hi mi zawng zawngin an dil ngei theihnan kawng hawng zau turin a chah bawk.

Power Point Presentation hmangin Pu F. Malsawmtluanga, Nodal Officer (SEDP) & Accounts Officer, DRDA Aizawl in SEDP chungchang zirtirna a pe a. Sawihona hlawk thlak tak neih nghal a ni bawk.

Dr. Saithangpuia, BDO Thingsulthliah-in vote of thanks sawiin training hi khar a ni.

District Level SEDP Committee Member-te pualin ni 1st June (Wednesday), 2022 khan training hi neih a lo ni tawh a. Training hi Dr. Lalhriatzuali Ralte, IAS, Chairman, District Level SEDP Committee & Deputy Commissioner, Aizawl District chuan a hmanpui bawk a.

Aizawl District Level SEDP Committee-ah hian Deputy Commissioner, Aizawl District Chairman-na hnuaiah Committee Member 27 an awm mek a ni. Tin, Aizawl khawpui huam chhunga Local Level SEDP Committee Member-te pualin ni 30th May (Monday), 2022 khan Orientation Training hi AMC Auditorium-ah buatsaih tawh a ni bawk. AMC huam chhungah hian Local Level SEDP Committee 83 a awm mek a. Ni 6th June, 2022 (Monday), 2022 hian Tuivawl Constituency huam chhunga Village Level SEDP Committee Member-te pualin training hi neih leh tum mek a ni bawk. Tuivawl Constituency huam chhungah hian khua 25 a awm mek a ni.