Vawiin khan  DC Conference Hall Lunglei ah Pu R. Vanrengpuia, Addl. DC, Lunglei kaihhruaiin Prime  Minister Kisan Credit Card chungchang Awareness programme neih dan tur meeting neih a ni.

Pu R. Vanrengpuia chuan PM-KISAN chu sawrkar laipui programme pawimawh tak a nih thu sawiin loneitute dinhmun chawikanna tura hmanraw pawimawh tak a nih thu a sawi a. Loneitu te tana thil tangkai leh tha anih avangin Bank leh line department-te thawhhona a pawimawh dawn hle a ni, a ti.  

Pi Lalhlupuii, Manager, Lead Bank Office chuan Mizoram chu ei leh bara intohdelha state dang thleng a thawn chhuak thei tura kan inbuatsaih a tul a ni tiin PM-KISAN chu he hmalaknaa hmanraw pawimawh tak a ni, a ti.

KCC loan pek dan turah hian Bank leh Line Dept. te lo inrin lawk a, loneitu a tam thei ang ber te hnenah KCC loan kalphung inhrilh hre tura ruahmanna siam a ni. KCC loan hi loneitute bakah sangha leh ran vulha eizawng te pawhin an la thei tawh dawn a ni. Loneitu tha, rinawm leh loan rulh ngai pawimawh te hnen ah loan pek an in huam thu Bank hrang hrang kalkhawm ten an tarlang a ni.

Meeting ah hian NABARD, Bank hrang hrang leh line dept. aiawhte an tel a ni.