Nimin khan MYC Chairman leh bialtu MLA ni bawk Dr Vanlaltanpuia hovin Mausep, Pukpuiah Mizoram University Southern Campus hmun tur en a ni. Prof Lalnundanga, Registrar MZU leh Prof Lalnuntluanga, Controller leh MZU official dangte, Lunglei NGO Coordination Committe-te leh Pukpui khawtlang hruaituten MLA hi an tawiawm a ni.

MYC Chairman  Dr Vanlaltanpuia chuan Mizoram University Southern Campus chu Mizoram mipuite, a bik takin chhim lam District - te tan malsawmna ropui tak a ni tiin Campus leh building tha leh changtlung tak din ngei anih theihnan sawrkarin theihtawp a chhuah zel dawn a ni, a ti a. He hmalakna ah hian mipui, khawtlang hruaitute leh NGO Coordination Committee-te tawiawmna leh finchhuahna a ngen nghal bawk a ni. 

Prof Pu Lalnundanga chuan he MZU Southern Campus tur hi chhim lam mipui tan hmasawnna rahbi pawimawh tak anih tur thute, Higher Education Funding Agency (HEFA) atanga hmalak tur anih thu te a sawi a, Thil tih tur tul tih hmasak ngai ang angte chak takin bawhzui ani anga, a hma thei ang berin hna tana   ni ang a ti.

VCP Pukpui Pu V Rodinga chuan Ram an pek tur hi zau tham tak a nih thu leh Revenue official-te nen a ram zau zawng hi la teh fel tur niin anmahni chhut dan chuan a ram zau zawng hi 300 acre chuang a nih thu a tarlang a. MZU Southern Campus changtlung tak din nan a zau tawk hle a ni tih a sawi. 

He hunah hian Pu Lalrotluanga, NGO Coordination Committee Chairman pawhin thu sawiin, Pukpui khawtlang hruaitute hi Dan ang tak Ram pe hmasa ber anni ati a.Ram hmel hmang lanna Drone hmanga an lak CD in an buatsaih chu MZU thu nei tute hi a pe a ni.

Hemi hnu hian Campus peih a nih hmain class lo kal lai lawk na turin Pukpui Engineering College an tlawh leh nghal a ni.