No.7142/2020-2021

Vawiin chawhnu khan DC Conference Hall, Lunglei ah Bawrhsap Pu V. Lalsangliana hovin Republic Day 2021 hman dan tur rel a ni.

Pu V. Lalsangliana chuan Covid-19 hri leng avangin kum dang angin Republic Day chu hman theih ani dawn lo tih sawiin, State sawrkarin hmandan tur ruahman dan a sawifiah a. Ram ni pawimawh anih ang ngeia hman ngai si Covid-19 laka fimkhurna dan zawm chung si a hman dan ngaihtuah turin kalkhawm te a sawm a ni.

Meeting chuan kumin Republic Day chu Lunglei DC Office kawtah, zing dar 8:00 Am ah hman ni se tih a rel a. Khuallian atan Lunglei DC Pu V.Lalsangliana a ni ang. Kum dang anga school naupang atanga parade contingent beisei a remloh avangin Guard of Honour pek chu 2nd Bn MAP te ruat an ni a, Khuallianin thusawina a nei nghal ang a,function zawh ah DC Bangla tualzawlah VIP at Home neih nghal ani ang. Republic Day lawmna ah hian Cleanliness Week 2020 puala Fai Intihsiakna category hrang hrang hnuaia lawmman semna hun hman a ni bawk ang.

Meeting chuan Republic Day felfai taka kan hman theih nan Dept. hrang hrang mawhphurna nei ten an hna chanpual tha taka hlenchhuak theuh turin a sawm a. Republic Day lawmna ah hian Mipui nawlpui tel a remchan dawn loh avangin mahni in atanga TV kaltlanga entheih turin Zonet JB leh LDF Cable Operator te Live a pechhuak tura ngen ni se tih rel bawk a ni.