Election Commission of India Flagship Program pawimawh tak Systematic Voters’ Education and Electoral Participation (SVEEP) Lunglei District huamchhunga kalpui zel dan tur sawiho turin vawiin khan Lunglei Election Officer Pu J. Miahlung hovin a office chamber-ah meeting neih a ni. He hunah hian Lunglei District SVEEP Committee Members leh School leh Kohhran hrang hrang thalai hruaitute an tel.

Lunglei Election Officer Pu J. Miahlung chuan Systematic Voters Education and Electoral Participation (SVEEP) chu mi puitling vote nei thei chin India khua leh tui dik tak ten vote neih hlutna an hriat thar lehzualna tur leh vote thlak pawimawhna leh vote thlak ngei tura dan in min phut thu te inzirtirna a ni, a ti a. Lunglei District-ah nikum inthlanpui leh kumin MP Election-ah SVEEP hmalakna hi hlawhtling taka neih niin Slogan Writing Competition, Painting Competition, EVM leh VVPAT hmelhriatna ‘Awareness Campaign’, Mobile Polling Stations, Electoral Literacy Campaign, Bike Rally, TV Talkshow te neih a lo nih tawh thu kalkhawmte a hrilh a. He hmalakna hi Lunglei District-ah chak taka kalpui zel anih thur thu sawiin vote thlak pawimawh zia leh Electoral Roll-a hming ziahluh a pawimawh chungchang te school hrang hrang leh kohhran hrang hrang ah Awareness Campaign buatsaih tum a nih thu a sawi.

Vawiin meeting-ah hian SVEEP hnuaia hmalakna hengte – Inter Higher Secondary School Debate Competition, Slogan Writing Competition, Outreach Programme, neih dan tur te sawiho a ni. Election Commission of India in ruahmanna a siam angin heng hmalaknate hi September thla chhung ngeia neih hman tum a ni.