2147/2025-2026

Lunglei, 2025 Mimkut thla ni 16: Vawiin khan Lungei District Steering Committee on Swachhata Hi Seva chu Additional Deputy Commissioner Pi Zoramdini hovin DC Office Video Conference Hall-ah an ṭhu khawm a. Swachhata Hi Seva 2025 atana inpuahchahna an sawi ho.

District Steering Committee-ah hian DC chu Chairman niin, ṭhut khawmah hian DC Office bakah, LMC, PHED, UD&PA leh RD&A Department ai awhte ah an tel a. Kumina 'Swachhata Hi Seva' kalpui chhunga Lunglei District-a faina beihpui thlak kalpui dan tur ruahmanna hrang hrang an sawi ho.

Kum 2017 aṭanga kum tin buatsaih ṭhin Swachhata Hi Seva hi kuminah pawh hman leh tur niin, September ni 17 aṭanga October ni 2 thleng hman a ni dawn a. Swachhata Hi Seva chhung hian bawlhhlawh then fai tur hmun bik, Cleanliness Target Unit thlang chhuakin, hnatlanga tihfai ṭhin a ni dawn a. School leh office-ah te faina beihpui thlak a nih dawn bakah, September ni 25 khian India ram pumah a rualin faina hnatlangpui buatsaih a ni ang a. October ni 2-ah 'Faina Ni', Swachhata Diwas hman a ni bawk ang.