2148/2025-2026

Dated Kolasib the 17th September 2025: Nimin chawhnu khan NABARD tanpuina sum hmanga sak Thingdawl Rural Haat (Road side Bazar) chu khuallian Kolasib Bawrhsap Pu Robert C. Lalhmangaiha chuan Thingdawl khaw mipui leh a chhawr thei a piangin tangkai taka an hman a tan a hawng.

Khuallian Kolasib Bawrhsap chuan thusawi in vawiina Rural Haat an hawn tak chu mipuiten an hman thiam chuan a hlutna nasa takin an tel thei dawn a ni a ti a. Sawrkar in hmasawnna ruhrel a din thin te chuan an thil tum ang taka rah an chhuah theih nan mipuiten an chhawr tangkai a ngai a ni, a ti.

NABARD hmalakna te tha a tih zia leh lawmawm a tih thu a sawia, heng bak ah hian NABARD tanpuina sum leh BDO hnuai a MGNREGS atanga sum hman te, he bazar Haat a puitlin theih nan thawhho na tha a awm thei chu lawmawm a ti tih thu a sawi.

Bawrhsap chuan heng mipui tan a Department hrang hrang leh agency ten khawtlang tan infrastracture min pek te hi a hlut zia hrethiam ila, kan thlai tharlam kan thar chhuah te heng bazar ah tihral dan kan zawn a, he hmun hi a leitute leh hralh tu te tan hmun pawimawh tak ni tura hma lak a tul zia a sawi bawk a ni.

He hun ah hian VC-II Thingdawl VC secy chuan technical report pe in Thingdawl Rural Haat hi March 2024 ah Sanction niin project estimate zawng zawng hi nuai 18.75 a ni a, NABARD atangin tanpuina Nuai 15 pek niin, a bak hi MGNREGS, BDO Thingdawl leh Agency atanga hmuh a ni bawk.

Thingdawl bazar Project hunchhung hi kum 1 niin NABARD ah hun dil belh leh a ni a, a hun chhunga zawh hman ni ta lo mahse 12th sept, 2025 khan zawh fel theih a ni ta a ni.

He hun ah hian Dr. Doris Lalrinawmi BDO Thingdawl leh NABARD District Development Manager Pu JD Traite ten thusawina hun an hmang bawk a. Lead District Manager, Branch Manager Thingdawl MRB,  SHG member te leh Thingdawl VC-II a khawtlang hruaitu mi pawimawh tak tak bak ah sawmbik mi thahnem tak an kalkhawm a ni.