Vawiin khan UD&PA Department buatsaihin Convention Centre Conference Hall-ah Lunglei khawpui chhunga VC zawng zawng, YMA leh MHIP Sub Hq, Clean Lunglei leh UD&PA Department a thawkte Lunglei khawpui a Solid Waste Management Rules 2016 bawhzuina thlirho pahin Mizoram khawpui Fai Inelna hmachhawn dan tur rel in an thukhawm. 

He hun hi Lunglei DUDO Pu Andrew Lalhruaia'n a kaihruai a. Kalkhawmte lawmna thu sawiin Lunglei khawpui a SWM Rules 2016 bawhzui dan ah hma an sawn viau thu a sawi a. Khawlai ti hnawk leh inthiarte hremna Task force in a lo rel tawh te sawiho a ni a, bawlhhlawh chi thum a thliar (3-bin system) tura campaign kal dan leh hmalak dan thlir ho a ni. Tun dinhmun ah Lunglei khawpui VC 24 awm zingah bawlhhlawh paih man ( user fee) lak a nih tawh dan leh VC leh YMA hmanga bawlhhlawh khawn veng 16 zet an awm tawh thu te sawi a ni.

He faina chungchanga thutkhawmna ah hian Mizoram khawpui Fai Inelna 2019 neih leh tur a Lunglei khawpui inbuatsaih dan tur hrang hrang sawi a ni a, assessment criteria chu Pu Hmangaihzova IEC Specialist in kalkhawmte a zirtir a ni. DUDO office kaihhruaina hnuai a VC te mawhphurhna turte, YMA hmalakna turte, MHIP leh Clean Lunglei mawhphurhna turte siam fel a ni. Kum hmasa lama Dist Hedquarter a fai ber lawmman dawngtu an nih anga Lunglei mipui zawng zawng tanrual leh a tul zia nasa tak a sawiho a ni bawk.