Vawiin khan Poshan Maah (Nutrition Month) hmanna kalzelah Dinthar Kawn atanga tanin DPO Office, Mamit thleng Poshan Rally neih a ni a. He Rally hi Dr. Lalrozama, IAS, District Bawrhsap chuan a vailiam a. Kawngzawhnaah hian a telpui bawk.

Poshan Abhiyan (National Nutrition Mission) hi March 2018 khan India ram pumah launch niin Mizoram-ah pawh hmalak nghal a ni a. Thawktute thawhrimna leh tanrualna avangin Ni 23 August, 2019 khan Mizoram chuan State Award chi hnih ICDS-CAS Implementation leh Over all Excellence in Implementation-ah pakhatna dawngin tangka fai cheng Nuai 250 an dawng a ni.

Nikuma lo hman tawh angin September thla hi Poshan Maah (Nutrition Month) a hman leh tur a ni a. Mamit District-ah pawh Ni 2 September, 2019 khan hmang tanin Theme hrang hrang hmangin hmalak tum a ni a. Workshop,Community Based Events, School Based Events, Home Visit leh a dangte la neih zel tum a ni bawk.

Kumin Poshan Maah Slogan chu Har Ghar Poshan Vyavahar (Change of behaviour in each home) niin hmalakna hrang hrangte’n a tha zawnga chin dan thlak thlengna chhungtinah a thlen hi Poshan Maah-in a tum leh duh ber a ni.

Vawiin Poshan Rally-ah hian Middle School III naupangte, Mamit khawpui chhunga Anganwadi Workers leh Helper te bakah line Department hrang hrang Health Department, Education Department, PHE, UD&PA leh NYK Mamit-te an tel a. Kawngzawh zawng zawngte hian hriselna leh faina kawnga thu tiam (Oat taking) an nei vek bawk a ni.