No.2429/2021-2022

Aizawl the 1st, Oct' 2021: UD&PA Lunglei District hnuaia Azadi Ka Amrit Mahotsav hmalakna kal zelah vawiin khan District Urban Development Officer (DUDO), buatsaihin Convention Centre, Lunglei kawtzawlah hnawl paih mai tur hmanga thil tangkai leh mawi zawk siam chhuahte pho chhuahna (Waste to Art Exhibition) neih a ni.

Pi Lalruatkimi, TSI, UD&PA Department chuan Waste to Arts Exhibition hi Azadi Ka Amrit Mahotsav - India ram zalenna kum 75 na lawmna kal zelah programme pawimawh tak pakhat niin thil tangkai lo leh hman tlak tawh lova ngaih plastic, paper, mau, bottle, la leh vaiza (Jute) te atanga thil tangkai tak, mawihnai tak, thil hlu tak a siam chhuah thei a ni a ti. Heng thil siam chhuah te hi in cheina hmanrua bakah sumdawnna leh sum luhna tha tak a nih thu a sawi a, thil tangkai tawh lo nia ngaih hmantlaka siam hian bawlhhlawh a tih tlem phah dawn thu a sawi bawk.

He Waste to Arts Exhibition ah hian Lunglei khawpui chhunga Self Help Group hrang hrang leh mimal hetiang lam a tui 16 te an tel ani.

Chawhnu ah Pu K. Laltanpuia, Civil Engineer, UD&PA Dept. kaihhruaina in lawmman semna hun neih a ni. Waste To Arts Exhibition ti tha lawmman dawng tu te chu:

Pakhatna - Lalbiakzuala, Rahsi Veng
Pahnihna - C. Lallianpuii
Pathumna - RP Self Help Group, Salem Veng

Heng bakah hian khawlai a thil zuar (Vendors/Hawkers) plastic hman tlem kawnga hma la tha Pi Zosangliani, Bazar Veng te hnenah Citation leh pawsa fai pek an ni. Heng lawmman te hi Azadi Ka Amrit Matotsav hnuaia Lunglei District Brand Ambassador Pensy B. Lalthangliani'n semna hun a hmang a ni.